აკონტროლეთ თქვენს ბინაში რემონტის პროცესი, მასალების და სამუშაოების ხარისხი ვიდეოთვალის მეშვეობით

უშუალოდ დაგვიკავშირდით:

რემონტი რეჟიმში

online
Camera

ნესტიანი ოთახის კედლების მოპირკეთება


ნესტიანი ოთახის კედლების მოპირკეთება

  ამ სტატიაში გვინდა სუბტროპიკული აჭარის მაცხოვრებლებს მივცეთ გარკვეული რჩევები, თუ როგორ შეიძლება ნესტისგან დავიცვათ ოთახის კედლები, რომლებიც ფასადს ემიჯნება. ყველამ ვიცით, რომ აქ ნესტიანი და წვიმიანი კლიმატური პირობებია, რასაც ბევრი უსიამოვნება მოაქვს ბინების მეპატრონეებისთვის. არის კიდევ ერთი მიზეზი, რაც ხელს უწყობს ფასადიდან შიგნით წყლისა და ნესტის შეღწევას. ეს არასწორად და შეცდომით ჩატარებული ფასადის მოსაპირკეთებელი სამუშაოებია. ფასადის მოპირკეთების საკითხს არ შევეხებით, რადგან მის ხარისხზე ჩვენ ვერ ვიმოქმედებთ, ეს გამშენებლის პრეროგატივა არის. მაგრამ ჩვენს ხელშია ბინის შინაგანი კეთილდღეობა და დაცვა ნესტისგან, წყალისა და სოკოსაგან.

   ასეთ შემთხვევაში ჩვენ გაგვაჩნია ჩვენებური გამოსავალი, რასაც ვთავაზობთ ჩვენს დამკვეთებს. ამ გამოსავლის(ან ნაწილობრივი გამოსავლის) მაგალითზე განვიხილოთ ჩვენი მეთოდი. 
    გავიმეორებთ, რომ საუბარი გვექნება მხოლოდ ფასადის პერიმეტრის შიდა კედლებზე, ანუ კორპუსის კიდეებში არსებული კედლები, საიდანაც შესაძლებელია წყლის შეღწევა. სტატიაში „შპაკლის სწორად შერჩევა“ ჩვენ უკვე აღვნიშნეთ, რომ თაბაშირის ნიადაგზე დამზადებულ საფითხნებს (პიველი და მეორე პირი) გააჩნია წყლის და ნესტის შეწოვის უნარი. იქვე, ხაზი გავუსვით ალტერნატიული მასალების ძვირადღირებულებას. ამიტომ, ამ სახის მოსაპირკეთებელი სამუშაოების მიმართ ჩვენ ინდივიდუალური მიდგომა გაგვაჩნია. დავიწყოთ ბათქაშით. ჩვენთან, საქართველოში ხმარებაშია ბათქაში თაბაშირის ნიადაგზე (თეთრი) და ცემენტის და ქვიშის ნიადაგზე (შავი). აჭარის პირობებში უმჯობესია შავი ბათქაშის მოხმარება. დააკვირდით, ყველა გამშენებელი აბაზანის კედლებს მხოლოდ შავი ბათქაშით ამუშავებს, რადგან თეთრი დიდხანს ვერ ძლებს ნესტიან გარემოში. შავი ბათქაშის მოხმარებისას ისინი პრობლემას მხოლოდ იმაში ხედავენ, რომ მოუხერხებელია აზიდვისა და სისუფთავის (მოგვიანებით უკვე მესაკუთრის მხრიდან) მხრივ, რაც ზრდის ხარჯებს. ამიტომ გირჩევთ არჩევანი გააკეთოთ შავი ბათქაშის სასარგებლოდ. მაგრამ,თუ რაიმე მიზეზის გამო თეთრი ბათქაშის მასალა იქნა შესყიდული, ეცადეთ,თუნდაც ზემო ხსენებული გარეთ გამავალი კედლები, დაამუშავოთ შავი ბათქაშით. ამასთანავე, თუ რკინაბეტონის რიგელები არის ობიექტზე, აუცილებლად წინასწარ, სათანადოთ დაამუშავეთ სპეციალური ხსნარით, ე. წ. ბეტონოკონტაკტით. კედლების მობათქაშების შემდეგ, შეიძლება დავამუშავოთ იგივე საპრობლემო კედლები, მაგალითად, სპეციალური ჰიდროსაიზოლაციო ხსნარით Aquamat  Isomat-ისაგან, რომელიც დამზადებულია ცემენტის ნიადაგზე. მისი მოხმარების წინ საჭიროა კედლების მომზადება და გასუფთავება, როგორც აბაზანის იატაკის შემთხვევაში. ის წყალში ზავდება და სანამ მოვიხმართ, კედლები აუცილებლად უნდა დავასველოთ წყლით. ფუნჯით უნდა დაიფაროს. პირველი პირის გაშრობის შემდეგ (2-3 საათი) ეგრევე ესმება მეორე პირი. ოღონდ არსებობს ერთი აუცილებელი პირობა ამ ხსნარის მოხმარებისას. ნიადაგი უნდა იყოს შავად მობათქაშებული, თაბაშირთან შეჭიდების კოეფიციენტი ნულს უდრიდეს. ფასადის პერიმეტრით კედლების ჰიდროსაიზოლაციო სამუშაოების შემდეგ შეიძლება კედლების შპაკლით დამუშავება. ამ შემთხვევაშიც იგივე დილემის წინაშე ვდგებით, თაბაშირის თუ აკრილის ნიადაგზე დამზადებული საფითხნი? თუ დამკვეთი ფინანსურად ვერ სწვდება ალტერნატიულ მასალებს, ჩვენი სევ არასტანდარტულ გამოსავალს ვთავაზობთ. შიგნიდან, პოტენციურად საპრობლემო კედლებს აკრილის (ან ცემენტის) საფითხნით ვამუშავებთ. დანარჩენი კედლები შეიძლება დამუშავდეს თაბაშირის საფითხნით. სულ ეს არის.


ობიექტზე დამატებითი ნიუანსების არსებობის შემთხვევაში მიმართეთ თქვენს პრარაბს ან დაგვირეკეთ ჩვენ უფასო კონსულტაციისთვის.

გაქვთ შეკითხვები ჩვენს საქმიანობასთან დაკავშირებით?

უკმაყოფილო ხართ ხელოსნით ან სხვა რამით?

გნებავთ სპეციალისტები სხვა სამუშაოებისათვის?