აკონტროლეთ თქვენს ბინაში რემონტის პროცესი, მასალების და სამუშაოების ხარისხი ვიდეოთვალის მეშვეობით

უშუალოდ დაგვიკავშირდით:

რემონტი რეჟიმში

online
Camera

აბაზანის გიდროიზოლაცია


აბაზანის გიდროიზოლაცია

    აივნების გიდროიზოლაციის შემდეგ მნიშვნელოვანია შევეხოთ აბაზანის ჰიდროიზოლაციის საკითხს. მიუხედავად იმისა, რომ ჰიდროიზოლაცია მეზობლებს შემთხვევითი ავარიული დატბორვისაგანაც იცავს, მისი ძირითადი ფუნქცია ბეტონის საფარის დაცვაა, რადგან ბეტონში ნელ-ნელა გაჟონილი წყალი აზიანებს ბეტონს და შეუძლია წლების მერე გახადოს კონსტრუქცია (ან მისი ფრაგმენტი) ავარიული. ასევე, ჰიდროსაიზოლაციო ხსნარი ხელს უშლის ბაქტერიების და სოკოს გამრავლებას. სოკოსა და შავი ობის მოშორება ძნელია, მარტივია თადარიგის დაჭერა.

    განვიხილოთ ჰიდროსაიზოლაციო სამუშაო ახალ მშენებარე აბაზანის მაგალითზე, სადაც იატაკი მოჭიმულია ქვიშაცემენტით. როგორც ვიცით, ხარისხიანი შედეგისთვის საჭიროა მასალის სწორი შერჩევა. ჰიდროსაიზოლაციო ხსნარები არსებობს სხვადასხვა ტიპისა და დანიშნულების. თვითშემოქმედება ამ დროს სარისკოა, უკეთესია საქმის პროფესიონალებისთვის მინდობა. დასაწყისისთვის მოვამზადოთ იატაკის და კედლის ნიადაგი, სადაც წაისმება ხსნარი. მოჭიმული იატაკი კარგად უნდა გაიწმინდოს ყოველგვარი ნაგვისაგან და მტვრისგან. თუ მასზე არის დაზიანებული, ჩაღრმავებული მონაკვეთები, უნდა ამოივსოს და გასწორდეს. კედლები, რომელსაც სხსნარით დამუშავებასაც ვაპირებთ, ამგვარად უნდა მომზადდეს. თუ არის საშუალება უმჯობესია კედლები ჰიდროსაიზოლაციო ხსნარით სრულად დაიფაროს, თუმცა, არა აუცილებელი. მაგრამ კედლები აუცილებლად უნდა დამუშავდეს სრული პერიმეტრით იატაკიდან 10-20 სმ სიმაღლეზე. კარგი იქნება თუ საშხაპე ზონის მონაკვეთზე კედლებს სრულად დავამუშავებთ ხსნარით. ჯერ მომზადებულ ადგილებზე წავუსვათ ღრმად შეღწევადი პრაიმერი, ან უგრუნტი, და ვაცალოთ გაშრობა. ამით ხსნარის ადჰეზიას შეუწყობთ ხელს ნიადაგთან მიმართებაში. ხსნარი უნდა შეირჩეს ნიადაგის ტიპიდან გამომდინარე, ჩვენ გვაქვს ბეტონით მოჭიმული იატაკი. აქ მიზანშეწონილია ცემენტის ან პოლიმერების ნიადაგზე დამზადებული ხსნარის გამოყენება. მაგალითად, შეგიძლიათ გამოიყენოთ SL 17 Isomat-ისაგან. ეს უნივერსალური, მზა პოლიმერების ნიადაგზე დამზადებული ხსნარია, აივნებსა და აბაზანებში გამოსაყენებლად. იმით არის კარგი, რომ თავსებადია შემდეგი ტიპის ნიადაგებთან: ბეტონი, ბათქაში, თაბაშირ-მიყაოსფილები, ხე, რკინა. ხსნარის წასმამდე საჭიროა კედლისა და ძირის მიერთების კუთხეები დამუშავდეს სპეციალური, არმირებული ლენტით. იმისათვის, რომ  სააბაზანო ზონა ჰერმეტიზირდეს დაიზოლირდეს დანარჩენი საცხოვრებელი ფართისაგან, წყლის გაჟონვის შესაკავებლად. კუთხეების არმირების შემდეგ ისმება ხსნარის პირველი პირი (სამღებრო ფუნჯით, ღილვაკით ან შპატელით) მხოლოდ ერთი მიმართულებით, წინდაუკან. გაშრობის შემდეგ უნდა წაესვას მეორე პირი, ოღონდ პერპენდიკულარული მიმართულებით პირველ პირთან, ანუ ჯვარედინად. ხსნარის წასმის ასეთი მეთოდი მაქსიმალურად გამორიცხავს გამოტოვებულ (დაუმუშავებელ) ადგილებს. საუბარია ჰიდროიზოლაციის ზედაპირზე დარჩენილ მიკრონასვრეტზე, რომელიც შეიძლება წყლის კარგი გამტარებელი გახდეს საფარიდან ბეტონში. თუ აპირებთ ხსნარით აბაზანის სრულად დამუშავებას, უნდა დაიწყოთ კედლით, ზევიდან ქვემოთ. კედლის უკვე ჰიდროიზოლირებული ზედაპირი უნდა მოპირკეთდეს კაფელის ფილებით (ან სხვა მასალით) ქვედა ერთი რიგის გამოკლებით.  კედლის მოპირკეთების შემდეგ უნდა დამუშავდეს ჰიდროსაიზოლაციო საფარით ძირი. თუ კედლები არ მუშავდება ხსნარით, საჭიროა,რომ ძირთან ერთად მთელ პერიმეტრზე დამუშავდეს  კედლების მონაკვეთი 10-20სმ სიმაღლეზე. საბოლოო ჯამში უნდა მივიღოთ ბორტიანი პლასტმასის თასის მსგავსი ძირი. სულ ეს იყო, შეიძლება ძირის მეტლახით მოპირკეთების დაწყება. ჰიდროიზოლაციის საკითხში არის სხვა ნიუანსებიც, რომელიც დამოკიდებულია ხსნარის დანიშნულების მოტივსა და სხვა ფაქტორებზე. მაგრამ ეს უკვე ამ პროფილის სპეციალისტების პრეროგატივა არის.

ობიექტზე დამატებითი ნიუანსების არსებობის შემთხვევაში მიმართეთ თქვენს პრარაბს ან დაგვირეკეთ ჩვენ უფასო კონსულტაციისთვის.

გაქვთ შეკითხვები ჩვენს საქმიანობასთან დაკავშირებით?

უკმაყოფილო ხართ ხელოსნით ან სხვა რამით?

გნებავთ სპეციალისტები სხვა სამუშაოებისათვის?